انا مش عارف شوية العيال اللى بيقولوا على نفسهم ثوار و زفت دول عاوزين مننا اية تانى !!!
منكم لله خربتوا البلد اللى فيها اعلى معدلات إصابه بالسرطان و فايروس سى !
خربتوا البلد اللى فيها 40 % تحت خط الفقر !
خربتوا البلد اللى فيها اعلى نسبه اميه !
خربتوا البلد اللى فيها اعلى معدل وفيات على الطرق فى العالم !
خربتوا البلد رقم 2 على العالم فى التحرش بالنساء !
خربتوا البلد رقم 6 على العالم فى مستوى الفساد الادارى !
خربتوا البلد اللى مافيهاش شبكات صرف صحى فى الاقاليم و لا كهرباء !
خربتوا البلد اللى ديونها 3 ترليون جنيه !
خربتوا البلد اللى اعظم انجاز فيها فى 30 سنه مترو الانفاق !
خربتوا البلد اللى بتاجر بهموم الغلابه و فقرهم !
خربتوا البلد اللى محدش يقدر يقول فيها لا للغلط !
خربتوا البلد اللى هربنا منها فى السبعينات و جرينا على الخليج نعمل قرشين !
خربتوا البلد اللى ماشيه بالواسطه و تفتيح الدماغ و الفهلوه و المحسوبية و الرشوة والكوسة و العيديه و الحلاوه و كل سنه و انت طيب و انا تحت امرك يا باشا !
خربتوا البلد اللى ماتعرفش قيمه العلم و بتعرف قيمه الرقاصات !
فعلا البلد خربت و البركه فيكم انتم ابقوا عمروها زى ما كانت عمرانه
تعليقات
إرسال تعليق